ya ilahi ger sual etsen bana

yunus emre siiri.

yâ ilâhî ger sual etsen bana
bu durur anda cevabım uş sana

ben bana zulm eyledim ettim günah
n’eyledim n’ettim sana ey padişah

ben mi düzdüm beni sen düzdün beni
pür ayıp nişe getirdin ey ganî

gözüm açıp gördüğüm zindan içi
nefs ü hevâ pür dolu şeytan içi

haps içinde ölmeyeyim deyü aç
mismil ü murdar yedim bir iki kaç

nesne eksildi mi mülkünden senin
geçti mi hükmüm ya hükmünden senin

rızkını yiyip seni aç mı kodum
ya yiyip öynünü muhtaç mı kodum

geçmedi mi intikamın öldürüp
çürütüp gözümü toprak doldurup

kıl gibi köprü yaparsın geç deyü
sen seni gel dûzahımdan seç deyü

kıl gibi köprüden âdem mi geçer
ya düşer ya dayanır yahud uçar

kulların köprü yaparlar hayr içün
hayrı budur kim geçeler seyr içün

tâ gerek bünyâdı muhkem ola ol
ol geçenler eydeler uş doğru yol

terzi kurarsın hevâset dartmağa
kasd idersin beni oda atmağa

terezî ana gerek bakkal ola
yâ bezirgân tâcir ü attar ola

çün günah murdarlarun murdarıdur
hazretinden yaramazlar kârıdur

sen basirsin hod bilürsün hâlimi
pes ne hâcet dartasın âmâlimi

değmedi hiç yunus’dan sana ziyan
sen bilürsün âşikâre vü nihan

bir avuç toprağa bunca kıyl ü kal
neye gerek iy kerim-i zül-celâl